تفاصيل نظام Etisalat club من اتصالات مصر

ينشر موقع ون المتخصص فى الاتصالات والانترنت تفاصيل نظام Etisalat club من اتصالات مصر.

وهو نظام جديد من اتصالات تقدر حضرتك تشترك فيه على نظام الكارت او الفاتورة .

وقالت اتصالات مصر : هتاخد دقايق مجانى لاتصالات طول السنة و 45 دقيقة كل شهر للشبكات التانية والارقام الارضية.

أضافت : هتاخد لحد 18000 دقيقة لاى رقم اتصالات ( يعنى 1500 دقيقة كل شهر لحد 12 شهر ), كذلك تاخد 540 دقيقة لاى شبكة تانية او اى خط ارضى ( يعنى 45 دقيقة كل شهر لحد 12 شهر ), وده كلة ب 349 جنيه بس فى السنة كلها.

نظام Etisalat club من اتصالات

الموبايل انترنت : حضرتك ممكن تاخد 300 ميجا بايت كل شهر لحد 12 شهر ب 50 جنيه بس فى السنة.

البلاك بيرى : هيبقى ليه اشتراك مميز جدا , لو يومى هيبقى ب 3 جنيه و50 قرش ( وده طبعا على نظام الكارت ) ولو شهرى هيبقى ب 90 جنيه ( وده على نظام الفاتورة ).

قالت : لو هتشغل الخط  على نظام الفاتورة :

الخط الجديد بيبقى مجانا + 349 جنيه الاشتراك السنوى وطبعا شاملين ضريبة المبيعات.

ولو هتشغله على نظام الكارت :

الخط الجديد بيبقى سعره ( زى اسعار خطوط اهلا ) زى دلوقتى مثلا خط اهلا ب 10 جنيه يبقى الخط هيكون سعره 10 جنيه + 349 جنيه الى هيتخصموا اول ماحضرتك تشترك فى اتصالات club وطبعا شاملين ضريبة المبيعات.

لو هتشترى خط على نظام الفاتورة : يبقى من اى فرع من فروع اتصالات او عن طريق قسم المبيعات.

ولو هتشترى خط على نظام الكارت : يبقى من اى فرع من فروع اتصالات او من اى موزع معتمد او من نوكيا او i2.

خدمة البلاك بيرى الشهرية على نظام الفاتورة هتبقى ب 90 جنيه بس فى الشهر بدل من 100 جنيه.

وخدمة البلاك بيرى اليومية على نظام الكارت هتبقى ب 3 جنيه و50 قرش بس فى اليوم بدل من 4 جنيه و 50 قرش

حتى مع الخصومات دى , هتقدر حضرتك تستمتع بخدمة البلاك بيرى الغير محدودة.

قالت الشركة : لو اشتركت فى باقة الموبايل انترنت هتاخد 300 ميجا بايت كل شهر لمدة 12 شهر ب 50 جنيه بس فى السنة كلها.

و ال 300 ميجا هينزلو لحضرتك من اول اليوم الى حضرتك اشتركت فيه فى باقة الموبايل انترنت ولمدة 12 شهر وملهاش علاقة بالمعاد الى هيتجدد فيه اشتراك الخط على Etisalat club.

مثال : شغلت الخط او حولته من نظام تانى على Etisalat club يوم 1-1-2011 وبعد كدة حضرتك اشتركت فى باقة الموبايل انترنت يوم 15-3-2011 , يبقى اشتراك Etisalat club هيتجدد فى 1-1-2012 واشتراك باقة الموبايل انترنت هيتجدد فى 15-3-2012.

وللاشتراك فى باقة الموبايل انترنت  بتبعت رسالة فاضية ل 757 ب 30 قرش, ولو كارت : بتشحن الاول ب 50 جنيه, ولو فاتورة : ال 50 جنيه هينزلو لحضرتك فى الفاتورة.

وتقدر تعرف الاستهلاك من ال 1500 دقيقة عن طريق الكود *558*1#.

و تقدر تعرف استهلاك من ال 45 دقيقة عن طريق الكود *558*4#.

وتقدر تعرف كام MB باقيين عن طريق الكود *555*1#.