نصائح استخدام التكنولوجيا بأمان
يقدم موقع ون المتخصص فى الاتصالات والتكنولوجيا نصائح استخدام التكنولوجيا بأمان.
نصائح استخدام التكنولوجيا بأمان
الاطفال و الكبار بيقضوا ساعات طويلة من اليوم أمام شاشات التليفزيون و الموبايل و بينسوا ان فيه نشاطات كتيرة ممكن يعملوها برة.
الاطفال و المراهقين بالذات بيقعدوا اكتر من ساعة أمام موبيلاتهم كل يوم و دة بيفقدهم القدرة على التعلم و بيدفعهم للأنطواء. و الاطفال اللى بيقضوا فترات طويلة قدام الشاشات دى بيكونوا اكثر عرضة للتأخر اللغوى و الإصابة بالخمول و إضطرابات فى النوم و مشاكل فى التعامل مع الناس سواء فى الفصل أو البيت.
نصايح للتعامل بشكل صحيح مع العالم الإلكترونى:
سيب ال Laptop وانت فى البيت
متمسكش الموبايل قبل النوم ب 60 دقيقة
سيب موبايلك فى الشنطة و انت بتاكل
خصص وقت للأنشطة المفيدة اللى انت بتحبها
خصص وقت للأنترنت يتناسب مع احتياجاتك
5 نصائح للشباب لتجنب مشاكل شبكات التواصل الاجتماعى:
اعمل Accept للناس اللى تعرفهم بس
متنساش تعمل تسجيل خروج من وسائل التواصل الاجتماعى
عدل إعدادات الخصوصية الخاصة بك
فكر كويس قبل ما تنشر اى صورة أو فيديو ممكن يضرك او يضر غيرك حاليا او فى المستقبل
خليك حريص في نشر أي معلومات شخصية عنك لأن أي معلومة بتسيب اثر على مواقع الاتصال الاجتماعي
