
أكتر 5 شاشات مبيعا في 2019
نقدم لكم من خلال موقع ون المتخصص فى الاتصالات والخدمات أكتر 5 شاشات مبيعا في 2019.
ويشهد السوق المصري منافسة قوية من الشركات المصنعة للشاشات وأبرزها سامسونج وال جي وتوشيبا وسوني.
وتسيطر على الحصة الاأكبر فى مصر شركتى توشيبا وسامسونج ويستحوذان على أكثر من ثلثي السوق المصري من حيث مبيعات الشاشات.
أكثر 5 شاشات مبيعا في 2019
سامسونج 49 بوصة – 49N5300
ونقدم مواصفات الشاشة التى تتميز بمتعة التلفزيون في ألوانه، وده الحلو في الشاشة دي لأن فيها خصائص بتهتم جدا بالألوان زي :
تقنيه Purcolor دي بتنقي الألوان فتطلع الألوان واضحة ومزهزة
ولو بتحب تعيش جوه الأفلام يبقى التلفزيون ده ليك عشان كل مشهد هيشدك خصوصا مع الأبيض والأسود لأن فيه تقنية micro dimming اللي بتخلي الأبيض صريح جدا وبتغمق الأسود لأقصي درجة فتندمج جدا خصوصا مع مشاهد الدراما والأكشن
ولو انت عايز شاشة جديدة وعملية الشاشة دي حجمها مناسب جدا لليلفينج وسعرها ممتاز
سامسونج 55 بوصة – 55RU7100
الشاشة 4K وبروسسور UHD (معالج فائق الدقة) يعني الألوان واضحة و الحركة خيالية والcolor contrast (تباين الألوان) مفيش زيه
من ناحية الشكل الشاشة تصميمها في منتهى الشياكة سواء حابب التلفزيون في الليفينج او الرسيبشن لو بيتك مودرن فهو هيضيف touch جميل للمكان
محبين أجهزة ابل حتحبوه جدا لأن الشاشة بتشتغل مع Apple Airplay شغل فيديو أو اتفرج على فيلم من على أي جهاز ابل بمجرد ما تفتح ال Airplay
سامسونج 55 بوصة كيرف 55RU7300
بعد يوم طويل في الشغل بنبقى مستنيين نروح نرتاح ونطفي دماغنا شوية
ويا سلام لو نسرح حبتين مع مسلسل أو فيلم خفيف وكوباية شاي سخنة بالنعناع وحلو أوي كدة
لو أنت دماغك كدة يبقى حتحب خاصية ال Auto Depth Enhancer اللي بتخلي الصور طبيعية جدا وتشوف كل تفصيلة كأنها حقيقية هتنسى نفسك خالص وتفصل وتروق
الكومبو : فيه كل حاجة ( شاشة كبيرة وتلفزيون سمارت وبروسيسورUHD فائق الدقة )
الشاشة دي للي بيحبوا الشاشات الكيرف ، تقدرتتفرج على التلفزيون من أي زاوية مش ضروري تكون قدام التلفزيون بالضبط
ال جي 55 بوصة – 55UK6400PVC
تتمتع بسهولة الشاشة حجمها مناسب جدا عشان تعمل movie night وجمع اصحابك
ليه بنقولك movie night ؟ عشان التلفزيون صوته مميز لأنه surround sound فتحس الصوت محاوطك من كل مكان
وجودة الشاشة HDR بتضبط تناسق الألوان فالألوان تطلع طبيعية وهتحس بالضبط كأنك في السينما
سعر جيد خصوصا بعد الخصم وفيه كل الأوبشنز اللي تحتاجها: شاشة 55 بوصة، سمارت، 4k، ودقة فائقة UHD
ال جي 49 بوصة – 49UK6300
فيه كل اللي انت عايزه: شاشة 49 بوصة حجمها مناسب و 4k عشان تتفرج بمزاج وكمان سمارت.
صوت واضح و surround sound فالصوت قوي وبيتوزع في الأوضة .
الصورة نقية و التفاصيل دقيقة وباينة من غير نغبشة واللي بيعمل كدة هو البروسسور الرباعيQuad-core processor
أهم حاجة في التلفزيون ده؟ بصراحة؟ سعره! هايل جدا بالنسبة للأوبشنز اللي فيه شاشة 49 بوصة و كمانUltra HD فلو بتفكر في شاشة بسعر كويس وفيها المميزات الأساسية يبقى مينفعش متجيبهاش.