خطوات استعادة هاتفك بعد سرقته
نقدم لكم من خلال موقع ون عدة خطوات لاستعادة هاتفك المحمول بعد سرقته.
اولا لا تتكلم مع أي حد لا تعرفه يرجعهولك لانهم فى أغلب الاحيان نصابين و عاوزين اي اموال , كما انه سيحصل منك على نسبة وممكن اصلاً بعد ما يرجع يقولك للاسف مفيش و يكون خده هو.
وكدة كدة مش هيعمل اكتر من اللي انت هتعمله.
ثانياً متعملش محضر في قسم الشرطة مباشرة , الموضوع ببساطة هتتوجه لـ (مباحث التليفونات) اللي حضرتك تابع ليها و بتعرف ده بأنك تتصل بيهم و هما هيدلوك و ممكن تكلم الشرطة او ١٤٠ هيدلك على انهي مباحث تليفونات تتوجهلها و مواعيدها ايه.
المسئول هيطلب منك الآتي (بطاقتي، و صورة منها، و علبة التليفون الاصلية ومحتوياتها الاصلية اللي فاضلة معايا، و صورة من العلبة من الناحية اللي فيها السيريال وارقام الشرائح اللي كانت في التليفون قبل ما يتسرق) و هو اللي بيعملك المحضر بنفسه نيابة عن القسم وبتحتفظ برقم المحضر ده عندك .
ثالثا اتأكد من الارقام رقم رقم وارقام شرائح التليفون اللي كانت فيه علشان يتأكدوا انك انت صاحبه فعلا.
رابعا المهم تتعامل مع الموظف ده باحترام و توصيه باسلوب طيب .
دروك كدة خلص، اول ما الموبايل هيتفتح ويتحط فيه شريحة تانية هيوصلهم اشارة برقم الشريحة اللي فيه و هما بنفسهم اللي هيكلمولك صاحبها علشان يخوفوه بالذوق و يقولوله التليفون ده متبلغ عنه و مطلوب فورا يا اما فيها حبس و معاهم اسمه بالكامل و رقم بطاقته في اغلب الاحوال بشكل ودي جداً الي واخد الموبايل سواء هو السارق او حد غلبان اشتراه من الحرامي و ميعرفش في الحالتين بيجيبه فوراً مبيترددش.
بعدها امين شرطة سيتصل بك للذهاب لاستلام الهاتف وذلك بعد حوالي شهرين لـ ٣ مثلا انت و حظك.
اما لو حضرتك حابب تتابع بتتوجه لقسم الشرطة تاخد منهم الرقم السري لرقم المحضر و بيدلوك تتابع مع انهي نيابة بتروح للنيابة دي تديهم الرقم يقولولك حالة الكشف ايه (مثلا فودافون ردت رد سلبي اتصالات سلبي اورنج و وي لسة ، لحد ما حد فيهم يرد ايجابي).
بعدها هتلاقيهم لوحدهم بيكلموك ويضبطوا معاك موعد ومكان تروح تستلم موبايلك بتروح و بتقابل الشخص اللي معاه التليفون في المكتب عند أمين الشرطة في النيابة و بتعامله بأدب و احترام.
اهم حاجة عندك تليفونك يرجع مش رايحين للخناق و بتمضي استلام و اغلاق محضر و بعد كدة الأمين بياخدك انت و اللي كان معاه التليفون و يدخلكم لوكيل النيابة لتأكيد عملية الاستلام والوكيل ساعتها بيتأكد انك حقك رجعلك و بيحذر اللي كان معاه التليفون يشتري موبايل بدون علبه او مجهول المصدر .
نصيحة مهمة بقي، لما يرجع الموبايل ما تنساش تعمله ضبط مصنع وانت واقف و تفتح جوجل أكاونت بحسابك.
