ماهى جمعيات موني فيللوز MoneyFellows ؟
يتيح تطبيق موني فيللوز MoneyFellows تنظيم وإدارة الجمعيات المالية الشهرية.
مميزات جمعيات MoneyFellows
متوفرة دايمًا طول الوقت بدوسة زرار من على موبايلك.
بتقدم جمعيات بقبض يوصل لـ 100 ألف جنيه.
أقساطها بتبدأ من 500 جنيه شهريا.
المستخدم يقدر ينضم لأكثر من جمعية في نفس الوقت.
مش مقيد بدايرة معارفك أو موقعك الجغرافي.
فيها خصوصية ومش كل اللي حواليك عارفين هتقبض كام وامتى.
آمن، لأن كل المستخدمين بيوقعوا عقد قانوني للحفاظ على حقوقك وحقوقهم بكل أمان.
بتقدم طرق دفع وقبض مختلفة.
الجمعيات المتاحة
الجمعيات بتبدأ من قبض 3500 جنيه ومعاك حتى 100 ألف جنيه.
القسط بيبدأ من أول 500 جنيه شهريًا، ولحد 20 ألف جنيه.
تقدر تختار ما بين 3 مدد مختلفة ؛ 5 شهور و 7 شهور و 10 شهور.
تقدر تشترك في أكتر من جمعية في نفس الوقت بكل سهولة.
أن كل مستخدم بيوقع عقد قانوني ده غير أوراق تثبت قيمة الدخل الشهري قبل بدء الجمعية، وده للحفاظ على حقوقك وحقوق كل المستخدمين وفي حالة تخلف بعض المشتركين عن دفع أقساطهم بتقوم MoneyFellows بتغطية الأدوار دي عشان قبضك يجيلك كامل .
طرق الدفع
الدفع ببطاقات الخصم المباشر/الائتمان
الخصم المباشر من الحساب البنكي
فوري / فوري بلس
المحافظ الذكية
كاش
طرق القبض
تحويل بنكي
فوري بلس
كاش
الدفع بقبض جمعيتك [Tradeline, B-TECH, Raneen, Ghataty]
الرسوم بتعتمد على مدة الجمعية وشهر القبض مثلا في الدور الأول في جمعيات الخمس شهور الرسوم بتبدأ من 6٪ وتقل بالتدريج لحد ما توصل لصفر. نفس المبدأ في جمعيات السبع والعشر شهور
جاءت فكرة إنشاء تطبيق “ماني فيللوز” ( (MoneyFellowsفي نهاية 2016 لتكون منصة إلكترونية لتنظيم الجمعيات المالية من خلال شبكة واسعة من المستخدمين، بحيث يكون الاشتراك في الجمعيات متاح دائما، كما يمكن الاشتراك في أكثر من جمعية في نفس التوقيت، بحسب ما قاله أحمد وادي مؤسس شركة “”MoneyFellows ورئيسها التنفيذي، في مقابلة خاصة عبر الهاتف مع مصراوي.
وقال وادي إن الشركة تأسست في عام 2016 في انجلترا، قبل أن يأتي بها إلى مصر وتنطلق فعليا في منتصف 2018.
ومنذ انطلاق الشركة وحتى الآن جذبت “”MoneyFellows حوالي 150 ألف عميل يشتركون في الجمعيات بشكل مستمر، بحسب ما قاله وادي.
وحصلت الشركة منذ انطلاقها على تمويلات بنحو 7 ملايين دولار، تشمل جولة تمويلية جاري إغلاقها حاليا، وفقا لما قاله وادي، دون أن يحدد قيمة التمويل الجديد منفصلا.
