طريقة استخدام خدمة اوبر باص Uber Bus فى مصر
ينشر موقع ون المتخصص فى اﻻتصاﻻت والتكنولوجيا طريقة استخدام خدمة اوبر باص Uber Bus فى مصر .
وقالت الشركة عبر موقعها لاستخدام التطبيق : حدث: اتأكد انك بتستخدم أحدث نسخة لتطبيق أوبر
اطلب: إكتب وجهتك، إختار خدمة Uber Bus، راجع التعريفة، اطلب رحلتك
إنتظر: إنتظر لمدة مش هتزيد عن دقيقة عشان تشوف تفاصيل رحلتك. في الوقت ده احنا هنوصلك بركاب تانيين على نفس خط سيرك عشان منطولش عليك سكتك
تفاصيل الرحلة: هتظهرلك تفاصيل رحلتك في التطبيق زي معلومات عن السائق ومكان التقابل. كدة مكانك إتحجز على اوتوبيس مكيف ونظيف، وممكن تتابع مكان أوتوبيسك وإنت في طريقك لنقطة الركوب.
اتمشى لنقطة الركوب: امشي لنقطة الركوب اللي على الخريطة، واتأكد انك هناك قبل ما الاتوبيس يوصل للنقطة. الاتوبيس هيستنى دقيقتين فمتتأخرش!
إركب: سكان الكود بكاميرة موبايلك، إظهر التذكرة للسائق، وإدفع له نقداً عند دخولك الباص أو ببطاقة الائتمان من خلال تطبيق أوبر ، واستمتع برحلتك في كرسيك الخاص على الأتوبيس المكيف
اتمشى لوجهتك: لما تقرب من وجهتك، احنا هنلاقي لك أحسن مكان تنزل فيه يكون قريب من وجهتك النهائية ومناسب لخط سير الأتوبيس . هيوصلّك مننا إشعار يعرفك تنزل امتى وفين، وكمان إتجاهات المشي عشان توصل لوجهتك النهائية.
وقالت الشركة أن الأسعار : لفترة محدودة كل رحلات Uber Bus هتكون ب ٥ جنيه بس!